熨烤達人 (已結業)

現在韓國餐廳開到成行成市，很多時用餐都取決於朋友的私心推介或者網上平台的介紹。最近一次又同朋友為了gimmick而去韓國燒烤餐廳，但今次係班朋友主動燒著我，齊齊去洗衣街朝聖。韓燒食得多，但用熨斗板燒野食都係第一次，都幾特別！蛋漿混合芝士，泡菜，栗米，滑蛋口感再昇華，但可惜不設refill.鐵板 Iron man 的餐牌插圖大大幅又影得幾唔錯。首先被這個手攪飯吸引了！ 一定要試！手攪飯變成全自家制的手筒。餐廳會提供手套，先搾碎紫菜，再將沙律醬，tuna碎，小脆粒，青瓜絲，蟹籽，飯粒混拌，自家手動攪，再塞入雪糕筒，食得好滋味！但如果由兩個大筒轉5-6個細筒會仲正！成班人share仲開心。水冷麵的冰是用自制的水果冰棒，見到有藍莓，士多啤梨和奇異果，仲有蘆薈粒。待冰條溶係冷麵中，入口更感到冰冷可口，麵條好幼身，一邊食仲有陣陣的水果香。我叫左杯推介的lychee cidar, 真係好大杯，要兩個人share先得掂！朋友堆叫左烤肉，大家都熨得好起勁，火烤得特別旺盛，好彩有吸油煙的氣咀，全程都唔會話有好強勁的油煙味，我地都食得幾舒服。炸雞食得多，咖啡紫薯炸雞既組合都係第一次試。雞肉炸得好香脆，加上底