熨烤達人 (已結業)

成日聽到熨烤達人呢個名，想試好耐，今次終於同frd夾到時間去試啦！一入去d裝修都幾靚，幾寬敞，可以將d袋放入椅子入面，而且環境都算乾淨，唔會周圍油淋淋。佢有個任食plan比我地簡，但我地最後都係點左個set, 因為d 肉好似好味d, 同埋有牛又有豬，一次過滿足哂！有三款前菜送，好中意食呢到既芽菜，辣辣地，好開胃。塊磚面五花肉超級大件！！兩個女仔都未必食得哂，佢望落雖然好似好多脂肪咁，但食落去係爽爽的，好有咬口！點完燒汁用生菜包住食一流！佢既一口牛都唔錯，幾soft, 又有牛味。豬皮qq彈彈的，處理得幾乾淨，無豬毛無肥膏，岩哂補充骨膠原。呢到呢生菜好新鮮好脆，洗得乾淨，唔會苦，係可以免費refill的。我食完燒肉都忍唔住空口食左幾塊呀哈哈！爐邊蛋會送頭一round 比你，之後refill就要加錢，但個人覺得一round都夠食，因為都幾多嫁~ 總括黎講雖然呢間餐廳既價位係高左少少，但環境都坐得幾舒服，張枱又夠大，仲有專人幫你燒肉，唔錯！會再光顧。