熨烤達人 (已結業)

終於約到朋友黎食呢間好有特色嘅「熨烤達人」，烤肉嘅時候會有一個熨斗壓住塊肉，好有趣！.我地要左個熨斗烤壓套餐，份量大之餘肉質都非常好！絕對係高cp值之選👻.重量級嘅磚頭五花腩望落好吸引，脂肪分佈得宜。staff首先將成塊五花腩放上爐度，再加上熨斗烤壓，半熟之後再剪成小塊。.烤好嘅五花腩外脆內軟，保持肉汁，充滿油脂香！加上任添嘅生菜同醃漬蔬菜可以減少油膩感，完美呀！.其他嘅肉類都好好味，特別係一口雪花牛粒，有濃濃嘅牛肉香，口感軟柔！.除左烤肉，我地都叫左芝士炸雞。staff幫我地開另一邊嘅爐加熱芝士，再夾起炸雞卷起一縷又一縷嘅芝士絲，非常吸引！外層香脆鬆化，雞肉滑溜，加上香濃軟綿嘅芝士，好滿足！.朋友鐘意明太子，所以仲order左個黑松露明太子蛋捲。黑松露同明太子嘅份量都好多，所以每一啖都好濃味，蛋捲唔老保持軟滑，而中間仲有流心芝士！推介！😋