熨烤達人 (已結業)

其實想食熨烤達人好耐，一路以為得旺角有，點知旺角果間執左，淨返鑽石山有，所以就特登過黎食。門口有個搞笑肥仔立像，而家睇到其他人食評先知係金仔？！2大2小就叫左一個燒肉拼盤，另外加左一個芝士焗雜菌，岩岩好夠食個燒肉拼盤有成5款肉，五花腩好大舊，會有侍應黎幫手燒，因為中間舊骨侍應出盡力都剪唔開，最後佢攞返入廚房用刀切🤣牛肩胛同西冷都唔錯好味唯獨一口雪花牛粒雜濕濕，老公話似十足十D下欄芝士焗雜菌都好味，雖然點睇都只係雜菌上面放左片芝士題外話：呢個叉電位個造型好搞笑，不過電力就弱雞D，真係叉得超慢。。。