影片
更多
2019-02-05
69 浏览
韓燒食得多，但用個熨斗熨嘅韓燒真係未試過。Mr.Iron喺荷里活廣場，舖面大，座位都好闊落，我地兩人坐一張圓枱，中間有韓燒爐同抽風機。餐牌上嘅名有啲都幾得意，有個叫金仔炸雞飯XD其實就係韓式炸雞飯！落單後店員送上前菜同生菜。店員喺爐邊落蛋漿後就提我地落左配料先，有粟米同芝我地自由配搭。然後店員幫手整個磚頭五花肉（$138）。五花肉面𠝹開左一格格，但都係連住一大舊方便燒，原來個熨斗就係用來壓住呢舊五花肉，店員話因為客人自己未必識整，通常佢地都會幫手燒。所以我地就好似睇烹飪節目咁睇住佢喺我地面前燒下熨下剪下舊肉咁。磚頭五花肉燒左大概15-20分鐘，軟硬適中，唔會太咸，有啲似中式燒腩仔。記得燒到咁上下就放開一邊唔好再燒否則會太乾太燶。食完五花肉其實已經好飽，因為舊舊都好厚肉，有成十幾舊。店員為我地轉另一個網燒特級雪花牛（$108），我鍾意燒牛生啲，每邊燒半分鐘至45秒，牛味唔錯，亦唔會靭。燒肉建議韓式食法，用生菜包住肉及泡菜，食落有生菜嘅爽脆口感，又冇熱氣。食完牛，店員又會過嚟為你芝士炸雞（$138），大約十分鐘後啲芝士醬可以拉絲，包住已有粟米片炸過嘅雞塊，超好食超滿足！推介。另外點左個墨鬚
餐牌上嘅名有啲都幾得意，有個叫金仔炸雞飯XD其實就係韓式炸雞飯！
落單後店員送上前菜同生菜。
店員喺爐邊落蛋漿後就提我地落左配料先，有粟米同芝我地自由配搭。
然後店員幫手整個磚頭五花肉（$138）。
五花肉面𠝹開左一格格，但都係連住一大舊方便燒，原來個熨斗就係用來壓住呢舊五花肉，店員話因為客人自己未必識整，通常佢地都會幫手燒。所以我地就好似睇烹飪節目咁睇住佢喺我地面前燒下熨下剪下舊肉咁。
磚頭五花肉燒左大概15-20分鐘，軟硬適中，唔會太咸，有啲似中式燒腩仔。記得燒到咁上下就放開一邊唔好再燒否則會太乾太燶。
食完五花肉其實已經好飽，因為舊舊都好厚肉，有成十幾舊。店員為我地轉另一個網燒特級雪花牛（$108），我鍾意燒牛生啲，每邊燒半分鐘至45秒，牛味唔錯，亦唔會靭。燒肉建議韓式食法，用生菜包住肉及泡菜，食落有生菜嘅爽脆口感，又冇熱氣。
食完牛，店員又會過嚟為你芝士炸雞（$138）
，大約十分鐘後啲芝士醬可以拉絲，包住已有粟米片炸過嘅雞塊，超好食超滿足！推介。
另外點左個墨鬚炒飯（$78），墨鬚得好少，個飯略嫌唔夠味，但炒得夠乾身且飯粒粒分明。
飲品叫左芒果 橙 乳酪（$58），大杯好味。
今餐大概每人$250，以咁大嘅份量嚟講算唔算太貴，味道亦不錯，值得推介！
张贴
