影片
更多
2018-02-09
6932 浏览
臨新年，老細請食團年飯，唔想去中式食肆同人迫，所以揀了聞名已久嘅碗屋。碗屋午餐價格不平，太約$250-$300/餐，算是較貴嘅午市選擇。今次叫咗個5個人餐($878+$230+10%服務費),可以選4個主菜，再一人跟一個蔬菜沙律，刺身，一碗烏冬／飯／粥，雪糕，一大碗枝豆(呢樣好少跟餐有)，一杯飲品，份量都幾多，一定食得飽。當中最好食嘅係刺身，件件都幾厚身，肥美同新鮮。當中蝦，三文魚同油甘魚較好食，帶子始終不夠厚。跟住到主菜，主菜只有熟食，唔太明白點解$250+一個餐，竟然冇刺身揀。主菜選了照燒鰻魚，燒羊扒，牛肉蔬菜窩，黑毛豬。鰻魚肥肥地，有啲口感，但醬汁一般，與普通日式食肆嘅味道差不多，唔算抵食。黑毛豬份量好少,味道冇咩特別，可能因為餐包了好多其他食物，所以主菜份量相對少。牛肉蔬菜窩，好大份，牛肉都好大塊，仲有好多蔬菜，湯底係壽喜燒，味道偏甜，大概出和民再甜啲，但份量就大和民好多。羊扒不太特別，燒過了頭，有點韌，同油咗啲。食到最後上埋烏冬同粥海鮮，烏冬偏淡，唔太特別，唔建議揀;粥甜甜，但食得出係加入，有少量冰鮮蝦仁，但粥冇海鮮味。整體來說，午市唔太抵食食物質素唔高(刺身除外)，但午餐份
今次叫咗個5個人餐($878+$230+10%服務費),可以選4個主菜，再一人跟一個蔬菜沙律，刺身，一碗烏冬／飯／粥，雪糕，一大碗枝豆(呢樣好少跟餐有)，一杯飲品，份量都幾多，一定食得飽。
當中最好食嘅係刺身，件件都幾厚身，肥美同新鮮。當中蝦，三文魚同油甘魚較好食，帶子始終不夠厚。
跟住到主菜，主菜只有熟食，唔太明白點解$250+一個餐，竟然冇刺身揀。主菜選了照燒鰻魚，燒羊扒，牛肉蔬菜窩，黑毛豬。
鰻魚肥肥地，有啲口感，但醬汁一般，與普通日式食肆嘅味道差不多，唔算抵食。
黑毛豬份量好少,味道冇咩特別，可能因為餐包了好多其他食物，所以主菜份量相對少。
牛肉蔬菜窩，好大份，牛肉都好大塊，仲有好多蔬菜，湯底係壽喜燒，味道偏甜，大概出和民再甜啲，但份量就大和民好多。
羊扒不太特別，燒過了頭，有點韌，同油咗啲。
食到最後上埋烏冬同粥海鮮，烏冬偏淡，唔太特別，唔建議揀;粥甜甜，但食得出係加入，有少量冰鮮蝦仁，但粥冇海鮮味。
整體來說，午市唔太抵食食物質素唔高(刺身除外)，但午餐份量好多，一定飽.
张贴
