熊小館

营业中

休息中

呢到真係好似小朋友嘅天地，我都比啲小朋友同熊吸引左黎食飯，入到黎好多家庭同小朋友，成個氣氛都好開心，好適合週末一家大細黎呢到家庭樂，周圍好多熊嘅裝飾唔只，仲有個小朋友玩耍小天地，岩哂比小朋友放電，環境大地方寬敞闊落，夠哂位放到bb車添。啲熊咁可愛，相信都俘虜唔少少童少女，情侶黎都好啱。經理叔叔好好人好有heart,關心食客照顧小朋友☺️.今次叫左個二人套餐（$298），另外加多左個白酒忌廉藍青口（$68），肉質幼嫩新鮮，份量多，啱晒鍾意食藍青口同牛扒嘅朋友。.發覺呢間餐廳好中意用露筍，除左小食有蛋黃醬焗露筍外，食扒都有煙肉包露筍做配菜，又有露筍意大利飯，感覺相當清新健康。