熊拉麵 (蘇杭街)

今日放學經過上環，突然想食拉麵，諗起朋友介紹過呢間熊熊熊拉麵，於是入去試下啦。
星期一下午時間人不太多，都有好多個位。一個人揀左吧枱角落坐，貪佢靜靜地。

黑熊拉麵

$80

拉麵款式都有好多款，但我想食得淸少少，我點左個黑熊拉麵，貪黑蒜夠健康。
黑熊湯底黑媽媽，夠多蔥，湯面層油有d厚，不過飲落唔油膩，清甜得來湯底蒜味亦濃厚。
火炙叉燒半肥瘦，非常香口， 口感十分軟滑。至於拉麵食落彈牙，亦唔易淋，不錯不錯。

總括來說，算係幾正宗嘅日式拉麵，食完十分滿足。