影片
更多
2019-05-07
72 浏览
好耐都冇去九龍灣，因為來來去去都係固定商舖，好多時候去完一次都會相隔一段日子先會再去啦～咁今日同朋友睇完復仇四，夜晚順便係Mega Box食埋飯，咁岩又有一班小朋友打曲棍球比賽。加上佢又咁中意熊公仔，所以帶佢去一間以熊做主題既西式餐廳。大約七點去到，都要排左一陣隊先可以入座。裝潢都幾童話，仲有小朋友用餐區，岩哂一家大細一齊去食～門口已經有一隻大大隻既熊，當然要同佢影番一張相啦！經理就好快帶我地去左可以直接睇到比賽既二人位，相當貼心。係檯上面各有一隻熊公仔，都增加幾分童真感！中意同熊公仔既朋友一定會愛不釋手。用左片刻既時間就決定食咩餐，二人套餐既價錢都幾平。可以由餐湯，小食，主菜，飯麵，食到甜品。一般係呢類既主題餐廳都有一個問題，華而不實。不過熊小館就令我改觀～以下會一一介紹點解會令我改觀既地方；二人餐餐湯；歐陸式濃湯配牛油法包上菜後我一般對餐廳真係冇咩特別既期待，但係一試味就令我大為改觀，雖然係白湯，但係洋蔥味好特出。忌廉唔太濃，有粟米粒係入面，幾甜。份量都幾多，比同行既餐廳為多。牛油法包焗到好脆口，味道都好香蒜香牛油味，沾點係湯上面更加好食。味道唔錯，第一印象非常之好！小食；啤酒脆漿
加上佢又咁中意熊公仔，所以帶佢去一間以熊做主題既西式餐廳。大約七點去到，都要排左一陣隊先可以入座。裝潢都幾童話，仲有小朋友用餐區，岩哂一家大細一齊去食～
門口已經有一隻大大隻既熊，當然要同佢影番一張相啦！經理就好快帶我地去左可以直接睇到比賽既二人位，相當貼心。係檯上面各有一隻熊公仔，都增加幾分童真感！中意同熊公仔既朋友一定會愛不釋手。
用左片刻既時間就決定食咩餐，二人套餐既價錢都幾平。可以由餐湯，小食，主菜，飯麵，食到甜品。一般係呢類既主題餐廳都有一個問題，華而不實。不過熊小館就令我改觀～以下會一一介紹點解會令我改觀既地方；二人餐
餐湯；歐陸式濃湯配牛油法包
上菜後我一般對餐廳真係冇咩特別既期待，但係一試味就令我大為改觀，雖然係白湯，但係洋蔥味好特出。忌廉唔太濃，有粟米粒係入面，幾甜。份量都幾多，比同行既餐廳為多。牛油法包焗到好脆口，味道都好香蒜香牛油味，沾點係湯上面更加好食。味道唔錯，第一印象非常之好！
小食；啤酒脆漿炸洋蔥圈聞上去非常之香，令人食指大動，睇到個張牛油紙接近冇油，咁樣我都非常之放心。好多薄餅店既洋蔥圈都令我卻步，好在呢間令我唔會！味道咬落去好脆口，食到爽爽聲，我都專登切開個洋蔥圈既入面
一探究竟，發現入面真係有好完整既洋蔥條係入面，加上個脆漿係薄薄一層，唔會令人食緊包皮既感覺，味道都唔太鹹，調味方面恰到好處～加分！
主食一蜂蜜ＢＢＱ燒豬仔骨拌薯條
以一個木碟放左一整條以開二既豬仔骨，份量計真係好多，因為平時都係得半條，好少見到一整條，真係意外驚喜！呢個菜好壞地方都有，改善地方其實好少～先以豬仔骨講起，個醬汁係幾惹味，蕃茄味濃，更帶有幾分甜味，唔錯。第二肉質好稔骨，但唔係先用水煮再塗上一層醬汁去焗，輕輕力就可以好輕鬆切開。一切開見到肉汁咇出黎，焗到接近用手撕開都可以做到骨肉分離。唯一要改善既地方係薯條既味道可以唔好咁鹹，希望下次有所改善，咁就成件事好完美！
主食二蕃茄奶油吞拿魚螺絲粉
個貌相好精緻，以一個大碟盛裝住個螺絲粉，仲要碟邊相當乾淨～真係不輸出面既餐廳，香味撲鼻！份量都好足夠，味道方面，蕃茄味唔酸～吞拿魚份量都幾多下，兩樣好襯，仲有蕃茄仔拌碟。螺絲粉唔太稔，唔錯！
甜品心太軟
食之前有位侍應姐姐走埋黎提我地個甜品可以整得，因為要廿分鐘，所以就交由佢安排。個甜品個貌相好吸引，睇得出整得好有心機。心太軟旁邊拌有忌廉加桃肉，以解甜膩度，成個組合既配搭都幾好，忌廉同心太軟流心朱古力好夾，加埋個桃肉酸酸地，中和番個甜味～
綜合番成間餐廳黎睇，服務水準，食物水準都係算中上質素，當中係服務態度中非常好，上菜既時候都會同我地介紹番個菜式，到我地接近食完都會提我地個甜品幾時可以上得，好貼心。就算食完野要求同隻大熊合照都好主動幫手影，充滿人情味服務水平，今晚既晚餐非常開心！
张贴
