黑樺牛 (已結業)

黑樺牛牧場-熊本A5和牛放題今日介紹一間位於尖沙咀嘅火鍋專門店，主打日式嘅和牛火鍋，由日本牧場直送嘅A5和牛，高品質自家培育嘅熊本黑樺牛，形式是120分鐘嘅放題，絕對係性價比一流。 熊本A5黑樺和牛放題 $398食和牛之前首先有北海道大元貝牡蠣海鮮拼盤，海鮮非常新鮮鮮甜。然之後就係八款特色嘅湯底，我哋揀咗台灣麻辣火山鍋，湯鍋中間真係識噴火㗎，旁邊就用和牛包着，活火山一樣咁！終於到咗主角啦，黑樺牛係熊本縣最高級嘅和牛品種，餐牌總共可以點八款不同部位、款式嘅黑樺和牛，有特上霜降小排、牛小排、牛上肩胛肉、肩胛梅花肉、牛前胸肉、玉子後腰肉、牛頸脊同千本筋。每款和牛嘅雪花紋理都非常漂亮，油脂豐盈，藝術品一樣咁，最鍾意就係特上霜降小排，油脂分布最平均。除咗和牛，仲有嚟自日本佐賀名水豚肉添，更加有多款特色嘅手工鍋物、火鍋配料。