熊小館

营业中

休息中

依間餐廳以熊仔為主題，入面有好多熊仔公仔，仲有一個位置係比小朋友玩煮飯仔，好岩有小朋友既家庭去食飯。我地見到佢個二人餐都幾抵食，包咗湯、牛油包、前菜、兩個主食、甜品同埋餐飲。餐湯係羅宋湯，個湯好足料，有好多湯料，包括薯仔、紅蘿蔔、西芹等。個湯都好入面，吾會話好稀咁。前菜方面，我地揀咗法式香草牛油焗田螺，依個菜式係將田螺放係薯蓉上面，啲薯蓉好好食，因為係好綿同埋有濃郁既cream味。我地見到個白酒忌廉煮藍青口幾吸引，所以就叫咗，啲青口真係好重忌廉味，同埋都幾新鮮。主菜叫咗蜂蜜bbq燒豬仔骨，豬仔骨好入味同埋惹味，而且仲好淋添。另一個主菜係蕃茄奶油吞拿魚螺絲粉，無諗骨蕃茄同奶油一齊都幾夾，個蕃茄令到奶油無咁heavy。