Cakebearbear (已結業)

朋友臨時病咗，訂咗位就唯有自己照去食。身邊有小熊陪伴同埋座位間隔幾好，一個人食都唔會好尷尬。 餐廳花心思落裝修，粉色牆、花花鳥籠同雲朵燈，好多人需要訂位，可惜只可以打到某部分嘅卡。 海膽醬北海道帆立貝意大利粉海膽醬超多，味道偏甜，仲有海量木魚、紫菜。帆立貝就一般size，唔算煎得好香口，意粉偏硬身。賣相同份量都正常嘅。餐廳晚餐定期會有啲變化。睡眠熊芝士蛋糕 造型得意，全餐中比較符合期望嘅餐點。 望落去啡色，但食落有芝士慕絲，幾軟滑，有少少未溶雪。千語星晨 顏色幾有層次，蝶豆花熊仔冰食完全餐都唔會溶。橙汁味道帶酸澀，唔太飲到菠蘿汁，純粹為咗打卡先會叫。人均：$250 （包加一） Btw 店內人手有限，需要自己出去點餐。