光榮冰室 (厚福街) (已結業)

昨晚同朋友去左排光榮冰室，排左15mins就有位。去得呢啲地方，大家其實都係想支持下黃色經驗圈，希望大家可以一直維持呢個heart。去到門口見到有煲仔飯餐牌，忍唔住叫左一個。由於冇我最愛嘅免治牛肉煲仔飯，只好叫第二最愛土魷肉餅飯。同朋友吹住水等，不經不覺就有飯到。煲仔飯熱辣辣上枱。啲飯係出奇地煲得唔錯，米飯粒粒分明，又有勁多飯焦。肉餅打得都幾好，唔會太水太薄，係啲土魷魚唔算太香。朋友嘅排骨同南乳雞煲仔飯都唔錯，一樣有好多飯焦。枱上有豉油樽俾你自己加，啲豉油都幾杰身。呢間舖頭出品唔錯可以回頭再食。