2
下午四點去到都要等十張枱，不過等左廿分鐘就入到～店內牆身貼上劇照和海報，有唔同款式嘅枱燈裝飾，襯埋咖啡工具，佈置得幾有氣氛～
1
言歸正傳，最重要咖啡同食物水準點先？點了all day breakfast、焦糖香蕉雪糕窩夫、latte、菠蘿熱情果咖啡梳打，價錢偏貴。
All day breakfast ：配搭豐富有薯餅又有酸種包，顏色賣相靚，味道中規中矩，終於係現成食物嗎～讚係有生果可解一解膩！
焦糖香蕉雪糕窩夫：焦糖香蕉可以再燒得焦脆點，焦糖面有點薄弱，雪糕味道唔錯，窩夫質感面脆鬆軟，味道正常發揮。
Latte & 菠蘿熱情果咖啡梳打，咖啡底係偏苦同濃, 配奶感覺比較適合；菠蘿片造型吸引，但配熱情果配味同梳打令咖啡苦味更突出，好似用返帶酸味嘅咖啡會比較襯。
整體環境唔錯，食物質素正常，賣相吸引，只係價錢偏貴，食物基本上都要百幾蚊，再加咖啡飲品四十至五十幾...
1
