滾餃

营业中

休息中

餃子店我成日幫襯，如果湯底正嘅話，我多數食湯餃，今日第一次嚟滾餃，就先試下煎餃。叫咗客雙拼十隻，黑松露芝士豬肉餃拼蒜芯鮮蝦豬肉餃。餃子 size 適中，煎得唔太燶唔太油。兩者之中我鍾意蒜芯鮮蝦豬肉餃多啲，因為啲蒜芯真係好夠味好好食，配埋彈牙嘅蝦肉，勁正👍。黑松露芝士豬肉餃都唔錯，黑松露味比想像中強，不過曾經喺第二啲餃子店食過好味嘅黑松露芝士餃，所以驚喜度就冇咁大。呢度嘅辣菜脯係配給制，雖則話可以叫店員再添，但係始終冇食得咁痛快。不過又明白嘅，辣菜脯咁好食，如果擺喺度任你攞，應該好快就冇哂😂。