天園餃子 (華發大廈) (已結業)

琴晚同老婆係旺角買完野我就推介同我一齊食甜記餃子，之前食過覺得甜記d餃子雖然賣得貴d,但勝在水準之上。不過行到過去實在太多人係門口排隊，就望到對面都有間餃子店，心諗應該都ok吧望落都有人食。叫左8隻煎韮菜餃，食落還可以。我中意食煎韮菜餃，如果呢款餃都唔好食，應該就blacklist。老婆就order左湯餃，湯餃要求會高d,除左餃子好食，個湯底都有d要求。可惜個湯底重胡椒粉味，唔啱飲無乜誠意。另外其中有款芹菜湯餃(叫左两隻款共10隻)個餡食唔到芹菜果隻味道之餘，仲有d黑椒粒，老婆食完2粒推俾我叫我食咪佢😿價錢係比甜記平少少，但撞正本人係餃子控，對餃子要求高，亦都明白甜記咁多人排隊。呢間算不上好劣食，但我就唔會有下次。