越粵棧 (已結業)

同Friend慶生佢話要食地道中菜於是揀咗呢一間九龍城名店，佢係今天難得真係做得到又平又靚又正的食肆。我地三個人叫了四個餸，四樣都好出色，而最有驚喜就係煎雜魚。一碟有四條魚，我個人覺得D魚嘅size係小型至中型之間，比一般所謂的魚仔大條少少，我覺得佢係半煎半炸嘅，因為D邊同魚鰭位好脆口，應該係炸嘅，佢連個魚頭都脆卜卜，我直頭可以成個食晒。D魚好新鮮，一人一條食得好滋味。我地叫了半隻炸子雞，佢嘅炸子雞都做得好好，D皮好脆，半隻雞黎講都算大碟，隻雞又唔會好肥，只有少少皮下脂肪，好掂。呢個炸豬手係呢間舖頭的十大名菜，雖然佢唔係好似中菜，不過佢都整得好好食，可能仲好食過好多西餐廳。個豬手的皮真係炸到卜卜脆，而佢入面D肉又唔會鞋同乾爭爭，點芥辣食好正，不過提一提大家個豬手都幾大隻，要make sure有足夠戰鬥力先好挑戰佢。菜得地揀咗薑汁芥蘭，D芥蘭好新鮮，炒得好翠綠，都係好好食。