蕉積妹 (已搬遷) 新店位置

雖然佢地既主打係香蕉煎餅，但係好似我呢啲唔食香蕉既人都唔洗驚，可以叫小蕉或者走蕉🙈我就叫左法式焦糖香蕉煎餅，小香蕉🤗每樣野都係即叫即整，唔會一早整定再翻叮比你。想講，琴日起碼係我20幾年黎再食香蕉，其實香蕉都冇我想像中咁難接受🙊煎餅黎到仲係熱辣辣，又脆口，加埋煉奶，如果冬天食更加不得了❤️焦糖燉蛋又係必叫之選，面頭既焦糖脆卜卜，燉蛋忌廉味爆燈又夠濃滑，一次食兩個都唔係問題🤤最後仲叫左枝泰式奶茶，上次飲過今次又再encore🥳茶味十足而且佢地改良過，唔怕好似泰國個啲咁甜😊以我所知蕉積妹開左半年都唔夠，希望大家可以多多支持啦，老闆娘同店員都好好人架🥰