君悅咖啡廳

营业中

休息中

睇詹瑞文前要食左野先，因為睇到成 10 點幾架，但食既時候都只係 6 點，又實在真係太早，都唔係食得落好多野，所以 2 個人都唔係叫左好多。海南雞飯當然是一定的，最好就係佢完全無骨，簡直免卻哂我不少麻煩，雞肉亦夠滑夠嫩，又夠大份，不過d雞皮真係厚得好恐怖，見到都驚，真係少少都唔敢食呀! 雞湯好好飲，超濃味，而且都幾大碗，不過慢慢再飲落去就覺得鹹左少少。另外要左個凱撒沙律配煙三文魚，佢既味道比起外表睇既好，哈哈! 不過好似做得粗左少少，d生菜勁大塊，唔係麵包碎係一塊塊細既蒜蓉包，不過我覺得d蒜蓉包幾好食，又脆又夠哂香。最重要的還是醬汁，濃度剛好，我覺得挺好吃的。要了 2 杯果汁，西瓜汁個色真係超紅，真係好西瓜，應該唔係假既，哈哈! 解熱最好! AE Card好似有D Discount，但我唔知係咩亦唔知係幾多，都係聽我個friend講架咋。埋單幾多都唔太清楚，應該$500樓下度啦。