MX (寶漢大廈) (已結業)

行過銅鑼灣搵食，見到呢間匿埋喺2樓一角嘅M X快餐，幾經辛苦搵到個門口上去，食個午餐先。

睇咗一陣嘅餐牌，決定食呢一個無骨海南雞飯， $53嘅價錢包一個雞油飯，連埋一個中式例湯，不過唔包嘢飲。

呢個海南雞飯堅係冇骨嘅，早兩個星期食過有一個真係好滑，今次返嚟諗住再食，點知啲雞係煮得比較靱咗，係鞋口咗少少。

無骨海南雞飯

$53

雞隔離仲配咗一堆生嘅椰菜，上邊撈左少少麻醬，應該有洗過嘅，因為次次菜下邊都有一攤水流咗出嚟。

三個醬分別係姜蓉，甜豉油，同埋酸辣醬。最好食最惹味嘅當然係個酸辣醬啦。