馬六

营业中

休息中

今日經過千色匯馬六有位就去食晚飯，試咗佢哋新菜式牛魔王煲同無骨海南雞飯，整體味道唔錯，性價比合理。牛魔王煲煲仔上枱熱辣辣，入面有牛腩、牛筋、牛肚，炆得夠淋入味，牛腩軟嫩帶少少筋膜，牛筋膠質豐富，醬汁濃郁帶微甜，送飯一流。馬六無骨海南雞飯雞肉肉質嫩滑，皮爽唔肥膩，薑蓉同黑醬油調味適中，keep到水準。跟餐仲有熱桔仔話梅水，酸甜開胃，話梅味突出，解膩一流。兩個人如果想飽d可以加多碗飯或者加小食，選擇好多，點揀都好易配搭。