影片
更多
2022-07-04
21 浏览
朋友之前介紹話呢間既海南雞好好食🤤因為佢真係講左好多次😂 所以今晚同友人收左工去左試下，順便支持一下小店。我地嗌左個2人餐 $168套餐包括有半隻雞/鴨，小食一份，一款湯，2杯野飲，CP值好高我覺得。既然叫得自己做海南雞專門店，我緊係要試下佢嘅海南雞啦！半隻雞份量都幾多，骨頭去得夠乾淨，最點--雞肉嫰滑一d都唔鞋，又唔會淋pat pat仲保持到肉既彈性，同埋真係有雞味ga wo👍 。配埋我至愛既黃薑飯，雞油包裹住每粒飯粒，香氣撲鼻，鬆軟可口。小食我地簡左脆皮豆腐，老闆極力推介，又真係好唔錯wo，豆腐外脆內軟，配埋豆瓣醬真係一流。仲有不得不讚下佢個湯，我地嗌左蟲草花冬瓜雜燴湯，勁好飲！我自問對味精過敏，食太重味精我會頭暈個種，佢個湯係真係無味精，老闆話佢地個湯底係用雞殼淆出黎，純雞湯，除左幾粒鹽無落其他調味料，唔怪之得咁甜。留意返佢有少量豬雜係入面，豬雜洗得乾淨無豬騷味，但唔敢食豬內臟嘅朋友可以簡其他湯試下。見佢寫住自設農場，忍唔住同老闆八下，老闆話佢地既雞係每日劏好再冰鮮運落黎，所以夠晒新鮮。同埋養夠130日先屠宰，所以雞會大隻d，厚肉d，但又唔會好多肥膏。最重要係佢地係無激素雞，叫我
我地嗌左個2人餐 $168
套餐包括有半隻雞/鴨，小食一份，一款湯，2杯野飲，CP值好高我覺得。
既然叫得自己做海南雞專門店，我緊係要試下佢嘅海南雞啦！半隻雞份量都幾多，骨頭去得夠乾淨，最點--雞肉嫰滑一d都唔鞋，又唔會淋pat pat仲保持到肉既彈性，同埋真係有雞味ga wo👍 。配埋我至愛既黃薑飯，雞油包裹住每粒飯粒，香氣撲鼻，鬆軟可口。
小食我地簡左脆皮豆腐，老闆極力推介，又真係好唔錯wo，豆腐外脆內軟，配埋豆瓣醬真係一流。
仲有不得不讚下佢個湯，我地嗌左蟲草花冬瓜雜燴湯，勁好飲！我自問對味精過敏，食太重味精我會頭暈個種，佢個湯係真係無味精，老闆話佢地個湯底係用雞殼淆出黎，純雞湯，除左幾粒鹽無落其他調味料，唔怪之得咁甜。留意返佢有少量豬雜係入面，豬雜洗得乾淨無豬騷味，但唔敢食豬內臟嘅朋友可以簡其他湯試下。
見佢寫住自設農場，忍唔住同老闆八下，老闆話佢地既雞係每日劏好再冰鮮運落黎，所以夠晒新鮮。同埋養夠130日先屠宰，所以雞會大隻d，厚肉d，但又唔會好多肥膏。最重要係佢地係無激素雞，叫我地可以放心食多d😂。
由對話間我真係feel到老闆好有heart 去做，同埋對自家出品好有信心，仲好talk得。見我想知多d都無嫌我煩，同我share左好多佢地食材既故事。我最鍾意聽故事ga la, 真係會覺得碟野食好味左😆😆
最重要係佢7月開始有做錦田/八鄉既外賣！！！滿$300免費送貨，我呢d住錦田既街坊聽到真係bling bling眼🤩😍即刻問老闆拎定張外賣紙。下次叫埋隻加積鴨試下先！！！
张贴
