㗎仔飯 (已結業)

最近中意試D唔出名嘅小店，所以揀左呢間評論唔多，但評價唔錯嘅日式咖哩小店。餐廳細細，座位唔多，只有兩張可以坐到3人嘅枱，當晚已經比人坐哂，所以我地外賣拎走，順帶一提外賣即減$5。咖哩吉列厚豬扒飯 $64 包冷/熱茶由於外賣拎走，豬扒焗左成十分鐘先食，味道一定有所影響。炸衣厚度可以接受，食果陣都仲有少少脆；豬扒都算大塊，大概厚半吋多D，食落啖啖肉，肉質偏瘦，但唔韌唔痴牙，無驚喜亦無失望。至於咖哩汁，個人覺得鹹左D😅，帶點甜、唔辣、杰身，反而個白飯好彈牙，幾好味😋。整體味道正常，中規中矩。