影片
更多
2018-05-15
1433 浏览
好幾次經過呢個商場，都見到呢間餐廳排晒隊，自己又趕時間，都冇機會試，今晚加班收工都已經差不多九點鐘，個肚餓到鼓鼓聲，於是過嚟碰吓運氣其實店內都仲好多人，不過呢個鐘數我哋等左5分鐘就可以入座，好嘢終於有得食，心諗，任食就啱晒我了揀咗個澳洲榖飼牛199任食放題，如果食靚啲可以揀200至＄300不等，今晚就試吓佢呢個入門版先湯底就揀咗個美肌鍋，聽聞係含有豐富骨膠原，未食就已經覺得皮膚都有返哂彈性趁啲牛未到，影張內在環境俾大家睇吓，整體光猛舒適，坐得舒服，特別一提，服務員姐姐、哥哥都好客氣及有禮貌，雖然見佢哋係呢個繁忙時間，真係好忙，但係面上都保持到友善的微笑，你一舉手，佢地都即刻有回應，值得一讚自助區，食物種類選擇頗多，菜類、菇類、粟米、香腸、應有盡有，為咗保持新鮮，見佢個食物區上嘅冷氣係噴曬煙，所以張相有啲朦朦地飲品嘅選擇亦好多，大致上你想要嘅都有，仲有啲自家製嘅蔗水、酸梅湯之類，任君選擇穀飼牛、豚肉，新鮮即切，好鍾意佢呢個厚度，特別適合火鍋，唔係講笑，我哋order左大約七至八個round，每次兩份，絕無漏單托手踭羽衣甘藍，Super food ，平時細細包都要賣20幾蚊一份，你唔會唔知
其實店內都仲好多人，不過呢個鐘數我哋等左5分鐘就可以入座，好嘢終於有得食，心諗，任食就啱晒我了
揀咗個澳洲榖飼牛199任食放題，如果食靚啲可以揀200至＄300不等，今晚就試吓佢呢個入門版先
湯底就揀咗個美肌鍋，聽聞係含有豐富骨膠原，未食就已經覺得皮膚都有返哂彈性
趁啲牛未到，影張內在環境俾大家睇吓，整體光猛舒適，坐得舒服，特別一提，服務員姐姐、哥哥都好客氣及有禮貌，雖然見佢哋係呢個繁忙時間，真係好忙，但係面上都保持到友善的微笑，你一舉手，佢地都即刻有回應，值得一讚
自助區，食物種類選擇頗多，菜類、菇類、粟米、香腸、應有盡有，為咗保持新鮮，見佢個食物區上嘅冷氣係噴曬煙，所以張相有啲朦朦地
飲品嘅選擇亦好多，大致上你想要嘅都有，仲有啲自家製嘅蔗水、酸梅湯之類，任君選擇
穀飼牛、豚肉，新鮮即切，好鍾意佢呢個厚度，特別適合火鍋，唔係講笑，我哋order左大約七至八個round，每次兩份，絕無漏單托手踭
羽衣甘藍，Super food ，平時細細包都要賣20幾蚊一份，你唔會唔知掛，食咗咁多肉一定要食返啲蔬菜
Haagen Dazs 雪糕任食，我唔貪心，每款一球
食到成十一點，趁差不多清場，先有機會影返張靚相，夜食有夜食嘅好處，200元係咁嘅環境咁嘅食物質素，服務招呼又好，黎一次賺一次啦，唔怪得成日大排長龍
张贴
