君旺燒臘茶餐廳 (已結業)

在我黎講，主要食糧為牛同埋雞 ~ 差唔多日日都要叫雞先安樂，雞蛋、雞翼、雞胸、雞什、雞腳都愛，我仲係個髀痴黎架呢 ~叉油雞髀飯跟例湯，都係粉葛湯，無味精屋企湯，算係咁啦，都好夠味。豉油雞味道咸左啲，送飯都可以既。肉質感覺比切雞為乾，無切雞咁滑，不過同樣雞味濃，正啊。照牌叉燒，口感鬆軟又唔乾，有肉汁唔會鞋烚烚，味香且甜，就算我唔多好叉燒既，都覺得好食。