牛火火任食火鍋

营业中

休息中

同事之前去過話唔錯，令我心動去試吓，佢點貴嗰個餐，自問唔係吃貨，今次都係點個平價試咗先。一入餐廳已經被食物包圍，兩旁食物多種類到目不暇給。座位濶落，侍應好有禮貌。點咗個麻辣蕃茄湯底，香濃唔會死辣又有蕃茄嘅酸，惹味又醒胃。先嚟一轉全牛，有小紙牌說明肉部位，此舉非常讚，邊款想encore都唔怕會叫錯，薄切牛舌好滑，任食嚟講啲肉質素好好。鯛魚片新鮮，蜆類推薦沙白，肉質飽滿又無沙。田雞腿、雞子、鵝腸應有盡有，過吓癮，少吃為妙。飲品亦有十多種。手機點餐嘅炸物即叫即炸，炸芝士仲可以拉絲添，脆口兼熱辣辣。甜品除咗有十多款雪糕/雪條，仲有幾款唔凍嘅甜品。最好嘅係無限時間，慢慢食，回回氣，又繼續。