天心 (已結業)

朋友介紹呢間旺角forest嘅天心，佢地做緊無限時日式火鍋放題，去到發現原來佢地係申子居酒屋姊妹店，咁當然有質素保證啦😇火鍋套餐有幾個選擇，我揀左廣島蠔($598)餐，朋友就揀左較實惠嘅嚴選美國牛肉($298)，湯底就揀左最有日式風味嘅壽喜燒😋 叫完套餐可以先到出面自助吧拎調味料同飲品，之後店員會先上套餐嘅主食(蠔同牛肉拼盤)。我叫嘅廣島蠔大大隻，非常肥美😋 用壽喜燒湯底煮，更可以特顯蠔嘅鮮味☺️ 朋友嘅牛肉都唔錯，我地最鍾意牛小排，油脂平均牛味濃郁🥩其他打邊爐食材就用QR code落單，都有幾十款。包括海鮮，肉類，蔬菜等。推介嘅會係鮑魚，墨魚滑同帆立貝🦪 另外，任食仲有幾款炸物，我地全部試左一round，食物即叫即炸，新鮮脆口👍🏼