呢間吸引到我嘅係佢哋嘅皇牌套餐➕澳洲和牛套餐 香港唔係太多間餐廳可以做到無限時任食打邊爐 呢個價錢有和牛食 加埋有五週年優惠 即管入元朗試一試佢～ 🈹優惠分別係➡️ 價錢由$278平至$230⬇️ $308減到$280⬇️ 重點係免加一‼️✨
➖➖➖➖➖➖➖➖➖➖
🔸《和風雞煲🇯🇵》 🔸
一入座就送嘅和風雞煲 湯底香濃帶微鹹甜 個甜其實係來自入面加左南瓜蕃薯🎃🍠 雞肉又幾嫩滑 食落同出面嘅雞煲係唔同嘅～
🔸《蟲草花烏雞湯🐔》 🔸
原來9月1號開始嗌澳洲和牛套餐 仲送蟲草花烏雞湯底🫣食完雞煲有湯飲又幾正～落料打之前一定要飲返碗先 湯水滋補又鮮甜 感覺好似飲咗一盅靚補湯咁 識食梗係用呢個湯底打邊爐啦🥳
🔸《📸打卡即送蒸竹籠五款海鮮🦐》🔸
呢間餐廳打卡福利真係非一般🤣只要like佢專頁share同留言➕提前book枱 仲有機會送蒸海鮮拼盤😳(見到係送完即止 book檯時最好問下有無) 調味唔會好重手 都食得出海鮮味～ 可以揀俾廚房蒸/自己蒸 上枱的確係幾啱打卡🤩
🔸《M4-M5澳洲和牛🐮》 🔸
講到牛肉 其實佢都有三四款選擇 不過重點講下個澳洲和牛個肉質係細緻 油脂分布幾均勻 唔肥膩 呢個價錢都算有返咁上下水準嘅～
🔸《自助區多款食材 任飲啤酒🍻》🔸
出面自助區有多款新鮮蔬菜🥬各款配料🍢小食🍟同任食嘅火鍋食材🐟仲要有啤酒都係任飲🍺最近戒酒就幫唔到大家試 反而試左自家製嘅冰糖紅棗燉雪耳 一枝飲超方便又清甜✨
🔸《Dreyer’s雪糕🍨懷舊甜品🍮》🔸
食完熱辣辣 梗係要甜品壓軸啦～ 呢度有細個成日食嘅三色啫喱杯 係解膩嘅不過唔夠凝固 可能未雪夠時間 仲有四款Dreyer’s雪糕 為呢餐畫上句號～
整體嚟講 最平$2xx可以食到無限時任食🥢 環境闊落啱曬一班fd黎吹足全晚🤪🍻 小朋友110cm以下仲免費㗎👶🏻！啱哂全家一齊嚟食 趁天氣轉涼仲要依家有五週年優惠 快啲黎book檯試下啦‼️💓
