影片
更多
2010-11-03
42 浏览
要滿足一班男丁的食慾，不外任飲任食打邊爐、韓國燒烤、自助餐或日本放題，但大多數都有時間限制，最多2個鐘就要停，食得好趕，食之無味！個friend就提議依道 - 日本放題，最緊要無時間限制，6點半埋位，食到10點半都得，品嚐美食之外，還可以舉杯暢飲，食到咁上下可以休息一會，吹下水再嚟下半場都仲得，淨計外在因素，實在值得推介的地點！依間日本放題係依客人寫紙的形式落order，客人只需填寫食物的number及需要的數量，交俾侍應，食物就會陸續嘅送上。礙於小弟唔食生嘢的緣故，只能對熟食俾少許意見，請各位見諒： 鰻魚壽司 - 雖然唔係十幾吋長嘅鰻魚，個鰻魚嘅size都唔細，起碼完全cover到舊飯，鰻魚味道適中，最緊要係可以一啖過，過癮！ 蝦天婦羅 - 起碼有一隻食指的長度，炸漿唔算厚，食落又唔會成口油，一咬就感受到蝦嘅鮮甜，唔馬虎！ 燒多春魚 - 細細條，完整無缺，頭尾都脆扑扑，魚身就嫩口！ 凍蕃茄刺身 - 將原個蕃茄切薄片，每片都完整，排得整整齊齊，可見師傅嘅一流嘅刀法，加上有醋的醬汁，完全帶出蕃茄嘅新鮮甜酸味，醒神又開胃！ 牛油燒帶子 - 手心size嘅帶子，絕不欺場，食落啖啖係濃郁嘅牛油
依間日本放題係依客人寫紙的形式落order，客人只需填寫食物的number及需要的數量，交俾侍應，食物就會陸續嘅送上。礙於小弟唔食生嘢的緣故，只能對熟食俾少許意見，請各位見諒：
鰻魚壽司 - 雖然唔係十幾吋長嘅鰻魚，個鰻魚嘅size都唔細，起碼完全cover到舊飯，鰻魚味道適中，最緊要係可以一啖過，過癮！
蝦天婦羅 - 起碼有一隻食指的長度，炸漿唔算厚，食落又唔會成口油，一咬就感受到蝦嘅鮮甜，唔馬虎！
燒多春魚 - 細細條，完整無缺，頭尾都脆扑扑，魚身就嫩口！
凍蕃茄刺身 - 將原個蕃茄切薄片，每片都完整，排得整整齊齊，可見師傅嘅一流嘅刀法，加上有醋的醬汁，完全帶出蕃茄嘅新鮮甜酸味，醒神又開胃！
牛油燒帶子 - 手心size嘅帶子，絕不欺場，食落啖啖係濃郁嘅牛油味，唔錯！
串燒 - 豬頸肉就爽嫩；牛舌就爽口，不過佢唔係以一片片去燒，係以摺疊形式，新穎！牛肉就略為失望，唔係牛柳，而係肥牛串燒，估你唔到，唔係好慣！
鐵板牛柳粒 - 不是燒到全熟，但又唔會生到流血水，燒得剛剛好，好juicy，送酒一大極品！
清酒煮蜆 - 超細隻蜆，湯的味道彌補蜆嘅細隻。
每人只有一杯飲品，不是任飲，茶就任你斟！
最值得一讚的係落咁多次單，無漏過單，並且每次都足數咁上枱，依種服務值得加許！
亦多謝隔離枱嘅食客包容我哋十幾個男丁的嘈吵。
张贴