天心 (已結業)

最近睇到天心出左放題餐，見到無限時任食🫨即時諗緊佢會唔會蝕本，一般打邊爐都係得90/120分鐘，佢竟然可以無限時，一於食番夠本🤣！🔅黑毛和牛拼嚴選美國牛肉火鍋放題🐃$598湯底揀左壽喜燒同埋豆乳柚子，一人一鍋，兩個味道都清清地，不錯呢到最好係可以同朋友揀唔同餐～因為除左一份蠔/牛肉之後，任食嘅食物都係一樣。黑毛和牛餐入面嘅牛胸腹、頸肩胛都係得一份，而其餘任食系列都包左唔少野食。海鮮方面有鮑魚、蝦、蜆等等。鮑魚新鮮彈牙👍🏻建議可以多叫😌黑毛和牛口感薄嫩，入口即溶😋美國牛肉油脂含量較多，落單後店員會上晒套餐嘅肉，每款都有少少，基本上食完佢俾嘅份量都差唔多飽🤣🤣另外熟食我就試左菜肉餃子🥟、忌廉蟹肉薯餅🦀同炸雞軟骨。薯餅炸得金黃酥脆，熱辣辣！雞軟骨就較細粒如果唔係第二日要番工，我就會+$98要佢個清酒&啤酒放題。見到有唔少黎嘅後生仔都係揀佢，淨係飲酒都抵番晒，自己係雪櫃任揀，又無限時，的確係同朋友飲飲食食嘅好地方🤩食到9點就Last Order，可能呢到早收，淨係做到一轉放題，所以時間上就做無限時，我同朋友都食左3個鐘🤣抵！