熊本牛鍋 (世宙商場)

营业中

休息中

返到香港最掛住都係打邊爐，今年又未食過大閘蟹，平平地去咗熊本牛鍋10月限定無限時任食任飲牛頸脊套餐，仲送你一隻足四両以上嘅大閘蟹，而且照有和風海鮮雞煲。先食雞煲，入面有鮮蝦，有鮑魚、蜆，雞就唔係好多，但係汁好多，可以放響鈴或者牛肉片入去炆熟特別惹味。食到咁上下，就可以加豬骨湯，或者加$20轉其他湯底。係等湯滾嘅時候，就可以出去拎定啲材料打邊爐，呢個餐啲牛肩胛、牛頸脊、仲有加拿大極嫩保濕豬都係任叫。拎完返嚟，我哋啲大閘蟹已經到咗，有齊手套鉸剪薑茶俾你，一人一隻，食完就可以慢慢打邊爐，飲啤酒，無限時㗎。埋單$328加一，仲有生日優惠，四人以上，壽星免費。淨係無限時呢點已經夠抵玩。