影片
更多
2023-01-23
1078 浏览
位於黃埔號船頂，新開一段時間，都飲過幾次茶，今次就book位同屋企人食團年飯，通常大時大節一般酒樓都會分兩輪，限時兩個鐘頭，映玥樓就無限時，雖然無諗住食好耐，但最少唔會急住食，食完仲可以傾吓計。我哋一行十人，餐牌無適合嘅套餐選擇，所以散叫。可能係節日爆滿關係，整晚都好難搵到侍應，茶壺長期無水，上菜亦有甩漏，都見到樓面同傳菜都手忙腳亂，但佢哋服務都仍然有禮貌，都值得體諒嘅。#糖醋小排骨第一道菜糖醋小排骨係例牌size，加上已經開始肚餓，所以上枱一刻大家都覺得咁細碟嘅。排骨炆得腍，個人就覺得糖醋汁可以再酸啲。#瑤柱賽螃蟹對於主打京菜嘅酒樓嚟講，就覺得有點失色，蛋白炒得熟咗少少，唔見隻生蛋黃喺面，味道都好味嘅，但整體覺得可以再好啲。#北京填鴨 (二食) $550上菜時有點混亂，呢度都出名北京填鴨，鴨皮脆無肥膏，每片鴨都多肉，配料青瓜條、大蔥條、心裡美蘿蔔條及甜麵醬，有啲唔夠分。餅皮做得薄，食多件都唔會覺得好滯，份量俾得多。#苦瓜炆鴨架，蒜蓉豆豉汁好香，涼瓜炒得爽脆，主要係噒骨。#鴨頭湯，湯料有紹菜、蔥、酵麩，唔似係老火湯，不過都滋味濃郁。#干煸四季豆 $128夠鑊氣煸得夠乾身，四季豆都能保持
糖醋小排骨、瑤柱賽螃蟹
40 浏览
0 赞好
0 留言
#糖醋小排骨
第一道菜糖醋小排骨係例牌size，加上已經開始肚餓，所以上枱一刻大家都覺得咁細碟嘅。排骨炆得腍，個人就覺得糖醋汁可以再酸啲。
#瑤柱賽螃蟹
對於主打京菜嘅酒樓嚟講，就覺得有點失色，蛋白炒得熟咗少少，唔見隻生蛋黃喺面，味道都好味嘅，但整體覺得可以再好啲。
北京填鴨
31 浏览
0 赞好
0 留言
上菜時有點混亂，呢度都出名北京填鴨，鴨皮脆無肥膏，每片鴨都多肉，配料青瓜條、大蔥條、心裡美蘿蔔條及甜麵醬，有啲唔夠分。餅皮做得薄，食多件都唔會覺得好滯，份量俾得多。
苦瓜炆鴨架
25 浏览
0 赞好
0 留言
鴨頭湯
24 浏览
0 赞好
0 留言
干煸四季豆、高湯蟲草花豆苗
48 浏览
0 赞好
0 留言
夠鑊氣煸得夠乾身，四季豆都能保持爽脆，肉碎同蒜蓉辣椒組成嘅香辣相當惹味，但相比起其他嘅菜式，呢個價錢就覺得唔係好抵食。
#高湯蟲草花豆苗 $118
好多蟲草花，豆苗嫩滑，正常發揮。
雪菜肉絲炒年糕
30 浏览
0 赞好
0 留言
雪菜份量較少，爽脆莖部唔夠，個人認為選用翠綠色雪菜賣相會靚啲，味道就正常水平，年糕片略嫌有點黐埋，感覺今日廚師有點趕時間，應該可以做得更好。
小籠包 (4隻)
12 浏览
0 赞好
0 留言
我哋叫咗三籠，皮整得薄有韌性，用筷子好輕易就可以夾起，夾咁多隻都完整無穿底，肉餡灌滿湯汁熱辣辣，更加唔想整穿佢令任何一滴湯汁流出來，水準之作。
生煎包 (4隻)
12 浏览
0 赞好
0 留言
我哋叫咗三碟，個人覺得因為皮較厚，所以顯得肉餡份量較少而且淡口，有少少覺得唔似生煎，包底唔夠焦脆，有點似食菜肉包。
富貴黃金明蝦球
11 浏览
0 赞好
0 留言
蝦球實在做得爽脆彈牙，而且用了大蝦，啖啖肉，鹹蛋黃醬炒得起沙，鹹香剛好，完美地包住整隻蝦球。
高力豆沙香蕉
16 浏览
0 赞好
0 留言
#高力豆沙香蕉 (3粒) $48
叫左四份，高力豆沙會放香蕉出面已經買少見少，難得呢度有，新鮮炸起熱辣辣，漲卜卜，咬開裡面鬆軟有蛋香，豆沙香蕉餡豐富，用粉紅糖灑面，好味之餘賣相吸引。
#映玥樓地址：紅磡黃埔天地黃埔號 (第6期) 2樓
张贴
