牛品台式火鍋

营业中

休息中

夏季限定「蟲草花白玉藏珍鍋」超清甜，冬瓜清熱解暑、生津止渴兼助消化，先飲幾碗湯，再打邊爐，超正！😋我揀咗牛殿品套餐，$559起任食日本宮崎A5和牛、澳洲M9和牛肩胛、美國特級牛小排等多款頂級牛肉，再加1664生啤任飲，超滿足！牛肉新鮮靚靚，雪花油花均勻，入口即化。海鮮有廣島蠔、青口、蜆同海蝦，鮮甜滿分。仲有多款台式地道小食，台灣香腸、鹽酥雞、麻辣鴨血、台式甜不辣，每款都好有台灣味。甜品區包括自製刨冰、手工豆腐花、黑糖布丁同Haagen-Dazs雪糕，完美為火鍋餐畫上甜蜜句號。環境寬敞乾淨，服務細心周到，適合朋友聚會或家庭聚餐，慢慢歎，無限時就係爽！