麻辣風雲 (荃碧大廈) (已結業)

吃貨朋友介紹，嗜辣既一定要試下麻辣風雲！.涼拌小食一上枱，大家都好驚喜，我都未見過分量咁多嘅涼菜，立即舉筷逐樣試下！至於主菜，當中有幾個菜絕對係唔食就笨嘅精彩級別，令人回味無窮，尤其係最愛既酸菜魚！.麻辣豬耳 $58獲得大家一致讚賞，無論份量、質感同味道都係無得輸，話咁快掃清光。.泡椒鳳爪 $58雞腳好入味，辣得黎又清爽，係我哋女士們嘅至愛。.酸菜魚 $268係比較貴既菜式，不過物有所值，大大兜，魚好鮮好嫩，一D都唔腥，酸味同辣味好平勻，誰都不搶誰風頭，正！.毛血旺 $148講究毛肚新鮮鴨血滑溜，佢既毛血旺可以稱得上完美，毛肚爽爽的吸盡湯汁、鴨血無怪味，滑之餘仲有DQ彈，係食過番尋味嘅菜式！