漁舍酸菜魚 (已結業)

想食辣嘅心癮每隔一陣就會起，咁就一於擇日不如撞日，今晚約埋班老友一齊開個麻辣party❤️‍🔥呢間川菜餐廳走年輕活力路線，全店用咗好多木系嘅設計同裝修，門口正中間仲有一個大紅燈籠高高掛，好有feel🏮想食辣點少得水煮牛肉～先要讚一讚👍嘅係水煮牛肉唔會有一層油喺湯面上，啲湯飲落都唔會好油膩，係清爽嘅辣✨試埋川味辣子雞先～雞肉預先走油，食落夠脆身，花椒味夠椒麻而不苦，可以送幾碗飯食🍚食咗咁多辣嘢，整隻椰香BB鴿食吓先～乳鴿非常有驚喜，估唔到喺川菜餐廳都食到咁高質嘅炸乳鴿，不得了！😍😍😍