十二味 X Bamboo Bar (德己立街)

营业中

休息中

近年川菜喺香港越來越受歡迎，但要數到街知巷聞嘅，其中一間就一定係全港有好多分店的十二味。今日就約咗位無辣不歡嘅朋友嚟到中環新開嘅分店品嚐一下四川美食。舖頭裝修好有中國風，仲有可愛嘅熊貓做生招牌。我哋用手機落單好方便，餸菜好快就上枱。嚟到梗係要食招牌菜酸菜魚，湯底酸酸辣辣勁開胃，加上豐富嘅材料營造出層次分明嘅口感。啖啖肉嘅魚鮮味嫰滑又冇骨，大大啖咁食都唔怕哽親。我哋仲嗌咗大盆花菜黎送下飯。花菜炒得好有鑊氣夠晒火喉，加上豬肉片麻而帶點香辣，色香味俱全，真係估唔到菜都可以煮得咁好味。食到咁辣梗係要嗌番啲冰涼嘢飲，我就嗌左罐加多寶清涼下火，朋友就嗌左杯熱情果梳打，大大杯。好抵飲，清涼又消暑。