金祥排骨麵

营业中

休息中

讀書嗰時成日食金祥，因為佢好食又大份，絕對係窮人恩物。廿年以來，不時都會返嚟食，水準不但無跌watt，招牌炸排骨仲進步左。金祥既食物質素同份量，咁多年都係無得輸。所以Lunch hour長年有條龍，唔係無原因。難得既地方係，入座安排公平又有效率，老闆有時仲會同你傾下計，好貼心咁為每一位客人安排最舒服既坐法，就算搭枱都唔會覺得焗促。十年無嚟食，相信老闆都唔認得我。餓左咁耐金祥，當然係瘋狂叫嘢，但店員姨姨會好細心幫我地睇下係咪真係食得嘥，幫我地砌靚個配搭先落單，結果真係啱啱好，食飽飽又唔會滯，好勁！金祥係好多西環街坊既愛店，除左食物之外，相信亦都係因為佢好人本、貼心既服務。