.
6
1
佢個裝潢俾我感覺似重新裝修過，帶點新潮的裝修，牆身、座椅都幾型，唔似一般米線舖嘅經典裝修。
.
35
6
21
我哋叫咗2碗米線，各有2款餸，大家share嚟食😋
.
我唔係太食得辣，所以叫咗小小辣。餸菜有蘿蔔及豬爽肉。
落單後好快就上菜👍🏻 雖然我叫咗小小辣，但對我嚟講都幾辣😆 好彩我都食到，係好惹味的！碗底有好多酸菜、芽菜及肉碎，超正！
而米線的麵質係彈牙得嚟，唔會過淋或過硬，真係煮到啱啱好！
而蘿蔔有2大舊，好難得又清甜又無渣！好好食😋
而豬爽肉份量好多！亦煮得好好味，口感真係好爽口，我老公大讚有驚喜。
.
而我老公嗰碗係小辣，有腩肉及豬大腸呢2款餸。
腩肉係辣中帶甜，似用甜嘅醬汁醃過，我反而好驚喜，因為我覺得又甜又辣好好食😍
而豬大腸亦大讚，因為佢煮到爽口，唔會好韌要𡁻好耐。
.
好開心又搵到間好食嘅米線！以後都可以再嚟encore試埋其他餸🤤
