手作功夫茶 (京瑞廣場1期)

营业中

休息中

今日偶爾嚟呢間買嘢飲，竟然有意外驚喜，估唔到奶茶同果茶都同樣出色有功夫。😍😍☕伯爵拿鐵（無蜜）首先分量都算幾多，然後外觀都唔錯，係下面少少白色，上面啡色嘅呈現。如果單以茶底黎講，香味中隱隱有橘皮氣味，口感好醇滑。而加埋奶之後就係另一個味道。將佢搖勻之後，就成為伯爵奶茶，令到成個感覺更加溫醇柔和，茶香之中又有奶香，好正。🍉輕飲水果茶王（半蜜）首先要入面豐富嘅水果真係好吸引，全部都好大嚿，有咁多水果真係超值呀。本身都驚果茶會太甜所以嗌咗半蜜，我覺得半蜜嘅程度就剛剛好。杯茶係充滿各種生果嘅味道，邊飲邊食生果係幾好嘅享受，幾清涼嘅感覺。