泰海鮮 (已結業)

重要嘅嘢要講三次，好食嘅嘢就要次次都食。每次我都最愛呢個忌廉白酒花蛤，再配個烏冬底，味道真係超級超級好食，忌廉的味道雖重，但係白酒嘅香都好突出，彼此互相配合，美味就誕生左！今次我仲叻，叻在食唒d烏冬之後仲叫左個白飯嚟撈埋d汁食，我有幾中意，你明架啦，哈哈。黃金鮮魷，咸蛋黃均勻包住魷魚件，外面香，內面煙韌有口感。我仲覺得佢呢一度嘅黃金鮮油同出面嘅味道唔同除咗鹹蛋黃嘅香之外仲會多咗一種鹹香，非常惹味。（如果太愛見咸蛋層，可以先將外層咸蛋黃吃走，把最新鮮的魷魚交給你的最愛，哈哈。）還有無得輸的海鮮湯，用上幾種不同的海鮮，再加上薯仔和蕃茄一齊煲，上枱時仲會將全部的材料舀上，保證貨真價實！鮮甜，味濃，飲一碗係唔會夠喉的。