一上菜就已經聞到超香鰻魚味，未食已經流曬口水！先飲左個定食附送嘅湯，裏面有啲昆布、荀、菇同蔥等等，非常清甜，個人認為比麵豉湯好飲！
仲有一小碟八爪魚前菜，混合左wasabi嘅調味，味道好過癮，係好fresh嘅開胃前菜。
跟住就食主角鰻魚啦！鰻魚燒嘅時間同火候都控制得好完美，外層有啲焦脆，鰻魚肥瘦適中，一入口鰻魚嘅焦香味就完全爆發，真係超惹味😍😍比起唔少日本嘅店仲更加好食！
而且店家仲俾多左一碟鰻魚汁，倒埋落去之前啖啖飯都充滿鰻魚汁，超juicy🥰🥰👍另外仲叫左碟明太子雞翼，燒得岩岩好，又係高分之作！
食完真係棒住個肚咁走，估唔到一間拉麵店嘅鰻魚飯同小食都可以整得咁好味，一定會再黎幫襯！
