味道樂居酒屋 (河內道) (已結業)

為咗慶祝學期尾，我同朋友去咗尖沙咀嘅居酒屋chill一chill🥳黎得居酒屋梗係要嗌酒啦，今次揀咗冷清酒，味道中辛，配上熱食零舍過癮🤟🏻餐廳仲好有心思，可以比食客揀清酒杯添☺️火炙壽司方面帶咗三文魚腩同左口魚邊。店員細心提醒食咗三文魚腩先，因為左口魚邊嘅油脂更多，聽到即刻心心眼。果然，魚油好重🤤🤤🤤入口即溶，食完嘅魚油韻仲留喺口腔久而不散🐟見帆立貝蟹膏卷嘅配搭頗為新奇，所以就試吓。帆立貝彈牙，蟹膏味較為出，蟹膏愛好者可以不妨一試。大蔥吞拿魚腩卷係我每一次食日本嘢都要嗌嘅食物。佢冇令我失望，腩蓉多，配上大蔥同青瓜，當堂清新返晒。鐵板蒜片煎牛舌，有好香嘅黑椒同蒜香，厚切得黎又唔韌。鹽燒雞軟骨同明太子雞翼都有檸檬附上，配以檸檬汁食除左中和左油膩感之外，味道亦較為豐富。後者仲一路食一路噴汁添🤣黑松露和牛炒飯炒得相當有鑊氣，和牛粒雖然細，但份量好多！最後以流心芝士燒年糕作結，年糕煙韌，微甜，配埋鹹香嘅芝士簡直絕配！