龍亭

見呢間日式鐵板燒成日彈廣告出黎，有黑邊鮑，生蠔，海膽，龍蝦套餐幾吸引，住中環即慶約幾個朋友去食，無訂位無買餐，八點前後到餐廳，餐廳內有大量空枱，又見鐵板燒位陸續有人客埋完單準備離開，有個貌似食神唐牛問完一輪，講完一大堆籍口感覺係完全唔想接待，仲突然情緒好激動講無訂位我從來唔會接，聽完我同朋友都好驚訝，近門口人客同經過侍應生都應該清晰聽得到句說話係特別大反應
首次幫襯一間餐廳有生意竟然唔做，仲要原價消費都唔做認真有原則，激發到我有衝動去寫食評，亦嘗試致電投訴號碼無人接聽，所以決定將今次經歷發表
幸好之後睇返網上原來一大堆負評，加上當日對答態度，服務質數都唔會好，所以唔食完全唔覺可惜，唐牛錯手拯救我地逃過一劫，會幫手通知同住中環區街坊可以免試