雲長小龍坎老火鍋 (已結業)

係大陸好出名嘅麻辣火鍋店登陸香港，真係幾年都唔踏足內地一次嘅我，都可以係香港食到喇~而且其中一個老闆仲係為人熟悉嘅歌手陳柏宇，所以令餐廳更加出名，好爆場，夜晚10點都有人book枱!環境都係中式嘅風格，枱櫈都係以木為主，不過枱真係比較細，嗌兩三個配料就已經差唔多無位喇，餐廳都知有呢個敗北，所以每一枱都另外有一架三層嘅餐車黎擺食物，勉強解決咗問題每個位都有一罐細細嘅小龍坎麻油係枱上，相信係佢地專利嘅秘製麻油，其他醬油配料就要出去醬料枱到拎，選擇唔多，都係一般嘅生蒜、炸蒜、蔥花、莞茜碎等等打邊爐最緊要就係揀咗湯底先啦，職員強烈推介我地揀麻辣藥膳湯底，其實係鴛鴦湯底黎，一邊緊係必食嘅麻辣湯底啦，而另一邊就係唔辣嘅藥膳湯底，湯底一路熬滾嘅時候，我同朋友都係咁俾佢嘅辣味嗆親，所以係咁咳，但係真係辣得惹味，食時真係要好小心，如果唔係就好似我咁，啲辣氣直衝氣管，搞到咳到甩肺，感覺真係好難受，所以嗰晚只係食咗一陣麻辣鍋之後，就只可以攻唔辣嘅藥膳湯，湯底都微微帶甘，有少少藥材味道，都唔錯嫁首先上嘅係即炸魚皮，估唔炸野竟然咁快，炸得香脆嘅魚皮，稍微浸一下麻辣湯，真係辣得過癮，又麻又脆口，幾惹味啊打邊爐又點