影片
更多
2018-08-15
115 浏览
朋友之前同我提過呢間鋪啲珍珠奶茶好難飲。上星期，佢唔記得之前已經同我講過竟然又同我提多次，見佢提完又提不停警醒身邊朋友，我諗杯珍珠奶茶對佢打擊都幾大。不過同時都挑起咗我嘅好奇心，今日放工就去挑戰一吓。朋友講到呢間鋪平時好多人排隊，咁我今日都算好彩喇，前面得幾個人排，好快就到我，唔使點等，就算蝕都無咁蝕。望咗一輪 menu, 選擇係幾多嘅，不過知道揀咩都係伏，所以好快就隨意揀咗個“抹茶珍珠鮮奶茶"。杯野望落係幾靚嘅，啲珍珠綠綠哋色咁，個店員叫我上下搖吓佢先飲。先飲咗一啖奶茶，我驚嘆佢竟然可以整到杯野無茶味又無奶味，感覺似糖水，剩係得個甜字。又話係鮮奶茶，我連淡奶味都飲唔到，我諗我平時飲完牛奶個杯再加水再落糖應該就係呢杯野個味。茶味？我諗一個茶包浸完第三十杯水嗰杯茶都仲有茶味過佢。到試吓啲珍珠喇。一咬，都幾煙韌，可惜呢個已經係呢杯野嘅唯一優點。叫得做抹茶珍珠，我期望你啲珍珠有抹茶味應該都唔會太過份。可惜佢除咗顏色之外，我完全揾唔到佢同抹茶嘅任何相關點，又係得個甜字。朋友之前話過佢啲火龍果珍珠都係無火龍果味，我估佢啲珍珠應該全部一樣味，得個甜味，可以就咁跟顏色改名叫綠色珍珠奶茶。杯珍珠奶茶
朋友講到呢間鋪平時好多人排隊，咁我今日都算好彩喇，前面得幾個人排，好快就到我，唔使點等，就算蝕都無咁蝕。
望咗一輪 menu, 選擇係幾多嘅，不過知道揀咩都係伏，所以好快就隨意揀咗個“抹茶珍珠鮮奶茶"。杯野望落係幾靚嘅，啲珍珠綠綠哋色咁，個店員叫我上下搖吓佢先飲。
先飲咗一啖奶茶，我驚嘆佢竟然可以整到杯野無茶味又無奶味，感覺似糖水，剩係得個甜字。又話係鮮奶茶，我連淡奶味都飲唔到，我諗我平時飲完牛奶個杯再加水再落糖應該就係呢杯野個味。茶味？我諗一個茶包浸完第三十杯水嗰杯茶都仲有茶味過佢。
到試吓啲珍珠喇。一咬，都幾煙韌，可惜呢個已經係呢杯野嘅唯一優點。叫得做抹茶珍珠，我期望你啲珍珠有抹茶味應該都唔會太過份。可惜佢除咗顏色之外，我完全揾唔到佢同抹茶嘅任何相關點，又係得個甜字。朋友之前話過佢啲火龍果珍珠都係無火龍果味，我估佢啲珍珠應該全部一樣味，得個甜味，可以就咁跟顏色改名叫綠色珍珠奶茶。
杯珍珠奶茶 size 都幾大，不過好飲就話啫，唔好飲，$26你俾 1公升我都唔會覺得抵囉。
张贴