泰國人海南雞 (福榮街)

营业中

休息中

又係lunch四出搵食嘅時間，今日去咗深水埗“黃金商場”嗰邊， 見到呢間"泰國人海南雞”, 呢間舖頭屹立於深水埗多年， 多年前也嘗試過，今日再試試先～我地叫咗個青咖哩鴨胸飯、 泰式豬手飯一齊分享食。 青咖哩有少少辣， 對於我唔係食得太辣嚟講，都可以接受， 鴨胸入味肉質嫩口， 配埋飯夠晒醒胃，不錯。豬手飯有半隻鹵水蛋 ,再送埋個蘿蔔清湯，個湯就淡而無味， 我飲咗一啖已經冇飲啦。 豬手都幾肥，同埋啲肉都有啲"鞋", 不過個醬汁的味道也都不錯，鹹淡適宜。餐飲我叫咗杯百香果蜜，朋友叫凍木橘蜜，2杯都好甜，大家飲兩啖已經放棄了。整體嚟講都係一般，喺深水埗咁多嘢食，下次都係試其他嘢。