影片
更多
2018-01-30
154 浏览
倫哥呢輪大展拳腳，周圍都係佢既分店，作為一個foodie，一次都未試過實在說不過去，所以今日就嚟試吓佢地既尖沙咀分店先。六點幾去到已經相當旺場，座無虛席，梗係啦，每位318既任食海鮮火鍋，有刺身併盤有鮑魚打完雞煲再換邊爐再有燕窩做甜品，仲要係無限時既添，咁荀，難怪七點前已經有朋友無訂位要下回請早，想食好西既朋友記得訂位啊。一坐底鬼咁肚餓，即刻喺飲品櫃隔離攞碟前菜食吓，前菜係涼伴麻辣四季豆，味道唔錯，麻同辣都恰到好處，唯獨係食開爽菜既我都略嫌爽咗啲，留番少少放落個雞煲度再爆一爆佢，四季豆即刻重拾二次生命，正到無朋友。兩分鐘後燉湯率先送上，夠哂火候，雞腳煲到好腍身，淨係用條脷都LUN得到啲骨啊。鮑你上位，個名改得咁靚既係蠔皇鮑魚炆冬菇，鮑魚個子不少，混和濃厚既蠔皇鮑汁，沒有不好吃的理由。刺身併盤，刺身併盤有牡丹蝦，三文魚，帆立貝，油甘魚同埋北寄貝，各款刺身都非常新鮮，尤其喜歡牡丹蝦大得離奇，廚師細心為鮮蝦挑腸令蝦肉份外爽口彈牙，三文魚既肥美，帆立貝既鮮甜到依家都沒齒難忘。阿嫲雞煲，一擺上枱個雞煲即刻香噴噴到隔離枱啱啱坐低嘅朋友都忍唔住眼望望，個雞煲確實係瘋狂咁香，老規矩冚埋個煲蓋等幾分鐘就
六點幾去到已經相當旺場，座無虛席，梗係啦，每位318既任食海鮮火鍋，有刺身併盤有鮑魚打完雞煲再換邊爐再有燕窩做甜品，仲要係無限時既添，咁荀，難怪七點前已經有朋友無訂位要下回請早，想食好西既朋友記得訂位啊。
一坐底鬼咁肚餓，即刻喺飲品櫃隔離攞碟前菜食吓，前菜係涼伴麻辣四季豆，味道唔錯，麻同辣都恰到好處，唯獨係食開爽菜既我都略嫌爽咗啲，留番少少放落個雞煲度再爆一爆佢，四季豆即刻重拾二次生命，正到無朋友。
兩分鐘後燉湯率先送上，夠哂火候，雞腳煲到好腍身，淨係用條脷都LUN得到啲骨啊。
鮑你上位，個名改得咁靚既係蠔皇鮑魚炆冬菇，鮑魚個子不少，混和濃厚既蠔皇鮑汁，沒有不好吃的理由。
刺身併盤，刺身併盤有牡丹蝦，三文魚，帆立貝，油甘魚同埋北寄貝，各款刺身都非常新鮮，尤其喜歡牡丹蝦大得離奇，廚師細心為鮮蝦挑腸令蝦肉份外爽口彈牙，三文魚既肥美，帆立貝既鮮甜到依家都沒齒難忘。
阿嫲雞煲，一擺上枱個雞煲即刻香噴噴到隔離枱啱啱坐低嘅朋友都忍唔住眼望望，個雞煲確實係瘋狂咁香，老規矩冚埋個煲蓋等幾分鐘就食得，入口除咗夠哂惹味之外，雞肉既嫩滑程度亦都係令人意想不到嘅，係一個非常出色嘅雞煲。
食完雞煲之後侍應就會幫你換過個煲開始打邊爐，揀咗蕃茄薯仔湯，試一啖個湯底先，充滿媽媽既風味；海鮮併盤有沙井蠔，海蝦，蟹，龍躉片，脆鯇片，魷魚，刀貝同埋我近期好喜愛既鑽石蜆；沙井以蠔馳名，包括鮮蠔、蠔豉定係蠔油，香港人熟知既流浮山鮮蠔，有唔少就係由沙井蠔民坐舢舨一大早交來；沙井蠔蠔體大，肉質細嫩鮮美；隻蟹多羔之餘蟹肉清甜，喺蟹羔同蟹肉之間取得既平衡感不多不少不相伯仲，令人滿意；龍躉脆鯇一個彈牙一個爽口，各有風味；鑽石蜆肉質鮮甜，起哂角既外殼份外型咪。
跟住係無與倫比牛頸脊，雪花均勻，每一片既厚度都啱啱好，落水拖一拖就食得，入口牛味濃郁，滋味滿足。
最後送上既係倫嫂手打雙滑，雙滑係墨汁墨魚滑同埋蝦滑，墨汁墨魚滑用得比較少粉，當中仲有大大粒墨魚肉，真材實料，同行伴侶猜想魚滑既香味軟滑應與豬油有關；而蝦滑就帶有淡淡胡椒既味道；低鹽少油響鈴魚皮果然少油，打完個邊爐面頭都唔會有一大層厚厚既黃油，值得一讚；阿媽雲吞水餃一啖一粒，食完又再嗌過；特別推介橙黃色圓形既包心蟹子丸，佢裏面爆漿既蟹子內餡甜甜地又cream cream地，伴隨住喺口腔爆發既蟹子，好好味啊。
臨走發現倫哥喺新春期間仲有盤菜提供，價格相宜，問吓媽咪有無性趣先！
张贴
