影片
更多
2022-10-08
52 浏览
有少少挑食嘅我，喺度遇到熱情又健談嘅老闆娘，耐心推介啱我口味嘅配搭，食品係即點即製，製作需時，喺等嘢食嘅時間，望吓牆上怖置，會心微笑，點都會搵到啲共嗚，由order嘢食至離開，感覺好relax，啱哂生活忙碌嘅港人入去歇一歇。L13 More盜王大戰More盜妻 $42主打厚切三文治，烘脆咗嘅麵包，聞說用咗2隻蛋而製嘅厚厚滑蛋，三款海鮮餅，分別係蝦餅丶墨魚餅丶魚餅，如果Wasabi醬多少少可能更惹味，面層灑上櫻花蝦仔，增添鹹香味，配合返呢款海鮮風味。L2 Egg Egg 鬆鬆 $31芝士 +$9煙肉 +$6微甜嘅肉鬆配上厚厚滑蛋，加上煙肉&芝士，味道有啲似曾相識，突然諗起呢個係台式蛋餅嘅組合•三文治版。是日小食 & 冷泡茶 (跟餐 +$12）睇食評介紹，冷泡茶幾好飲，當然要試試！呢度嘅冷泡茶係店主自己不斷試泡，從而研究出最好嘅配方泡成；當日有四款可揀，我就偏愛白桃，所以揀咗白桃烏龍茶，呢款係用台灣入口茶葉，桃味清香，夠哂解膩。炸雞肉燒賣T3 橙豬豬牛夫 $38食過幾間牛夫，暫時呢度嘅最好味，習慣相機食先，隔咗一陣先食，仲係有脆脆質感，滿滿牛油香；哈密瓜杏脯醬，竟然有啲似百香果味，甜味中和
有少少挑食嘅我，喺度遇到熱情又健談嘅老闆娘，耐心推介啱我口味嘅配搭，食品係即點即製，製作需時，喺等嘢食嘅時間，望吓牆上怖置，會心微笑，點都會搵到啲共嗚，由order嘢食至離開，感覺好relax，啱哂生活忙碌嘅港人入去歇一歇。
L13 More盜王大戰More盜妻 $42主打厚切三文治，烘脆咗嘅麵包，聞說用咗2隻蛋而製嘅厚厚滑蛋，三款海鮮餅，分別係蝦餅丶墨魚餅丶魚餅，如果Wasabi醬多少少可能更惹味，面層灑上櫻花蝦仔，增添鹹香味，配合返呢款海鮮風味。
L2 Egg Egg 鬆鬆 $31芝士 +$9
煙肉 +$6
微甜嘅肉鬆配上厚厚滑蛋，加上煙肉&芝士，味道有啲似曾相識，突然諗起呢個係台式蛋餅嘅組合•三文治版。
是日小食 & 冷泡茶 (跟餐 +$12）睇食評介紹，冷泡茶幾好飲，當然要試試！呢度嘅冷泡茶係店主自己不斷試泡，從而研究出最好嘅配方泡成；當日有四款可揀，我就偏愛白桃，所以揀咗白桃烏龍茶，呢款係用台灣入口茶葉，桃味清香，夠哂解膩。
炸雞肉燒賣
T3 橙豬豬牛夫 $38食過幾間牛夫，暫時呢度嘅最好味，習慣相機食先，隔咗一陣先食，仲係有脆脆質感，滿滿牛油香；哈密瓜杏脯醬，竟然有啲似百香果味，甜味中和Parma Ham嘅鹹香，幾得意。
T4 宇治麻不甩 $36抹茶味夠濃，特別鍾意滿到瀉嘅軟糯麻糬，加埋抹茶醬，每啖都有幸福感！中間仲有紅豆蓉，唔好忽視側面做配角嘅柔軟蕨餅，宇治控必試！！
西柚梳打 (跟餐 +$11）用上新鮮西柚，無論外觀同味道都夠哂fresh！
凍特濃抹茶Latte (跟餐 +$15）
张贴
