Sleepless (已結業)

星期日出咗一轉銅鑼灣, 經過細個時候住嘅地方,因為附近條小巷街口轉角開始就有人龍,被吸引咗入去, 先發現宜家已經完全唔同樣！兩邊都係啲唔同嘅特色小店...其中一邊岸勁多人,我都搞唔清到底佢哋係排緊「紅色物體」定「粉紅色」物體~我就揀咗對岸嘅一間Cafe,雖然過咗lunch時間, 不過都仲有好多人~好在我一個人, 又唔啱有一枱人走,等咗一陣就已經有位坐~由於我勁愛English Muffin, 諗都冇諗就叫咗個Eggs Royale~其實間Cafe嘅賣點係有好多唔同嘅Latte Art, 不過由於我唔好啲有奶嘅熱飲, 我只order咗杯Lime Soda... 係有少少煞風景, 所以都冇影到相~不過見隔離對情侶就叫咗2杯, 仲係好得意嘅3D版, 我都影咗兩張相... 仲全程留意住到底佢哋點樣可以喺唔影響嗰2隻攤住嘅bear造型底下飲完杯嘢~ 😝總結食物、飲品質素都ok,飲品都幾多款式, 如果大家重點在打卡的話就值得嚟try try!p.s. 走嘅時候發現原來對面粉紅色係因為間「麵家」x My Melody 做pop-up活動...