Prosit Bar and Restaurant

营业中

休息中

疫情嚴重下，香港好多食肆都受影響。今日呢一間餐廳，繁忙時間都係得我哋啲一張枱，雖然好似俾我哋包場咁，但長期咁樣，餐廳應該好難捱吧。 我哋先來個前菜:腸仔芝士沙律。 雖然份量好大碟，但係個沙律醬實在太酸， 做唔到開胃嘅效果，芝士同腸仔都係一般貨色，唔推介另一前菜係網友大熱推介嘅他他汁炸蘑菇， 原本滿心期待但非常失望，佢只係點炸粉炸蘑菇， 雖然唔係炸得乾身，但無味，仲要過百元，唔值咁嘅價錢。主菜就梗係德國鹹豬手啦~ 賣相唔吸引，豬皮太硬，唔脆，唔出色, 仲要唔平，唔推介。依度無水提供，每人一定要order一杯飲品，揀咗杯無酒精嘅fruit punch, 無特別。甜品係店員極力推介嘅蘋果批，呢個真係有驚喜，係外面比較少食， 好香肉桂味，又脆又香，加埋雪糕好夾，係全餐飯嘅唯一亮點整體嚟講，呢餐飯價錢貴，食物質素一般， 服務一般，無咩特別推薦。